NABIYO AUR WALIYO SE MADAD LENA NA TO SHIRK HAI AUR NA BID'AT SUBOT

AUZUBILLAAHI MINAS SHAITAANIR RAJEEM. BISMILLAAHIR RAHMAANIR RAHEEM. Assalato Wassalamu Alaika Ya RasoolAllah Assalato Wassalamu Alaika Ya HabibAllah Assalato Wassalamu Alaika Ya NabiyAllah Wa Ala Aalika Wa Ash’habika Ya NoorAllah SALLALLAHU TA’ALA ALAIKA WASALLAM ASSALAMO ALAIKUM WA REHMATULLAHI WA BARAKATOHU Nabi-Wali Se Madad Maangna Na Shirk Hai Na Bid'at ! Kaafi Afsos Ki Baat Hain Ki Moujuda Daur Me Log Duniya Kamaane Ki Laalach Me Ya Aish O Aaraam Se Reh Kar Deen Se Laaparwa Ban Kar Jeene Ke Khaatir Imaan Aur Aqaaid Aur Aamaal Ke Baare Me Elm Ki Jo "FARZ-E-AYN" Hai Use Sheekhne Samajhne Ki Bhi Parwa Nahin Karte Aur Aakhir Me Gumraahi Ke Ya Gumraah Firqe Ke Shikaar Ban Kar Apani Aakhirat Ko Barbaad Kar Baithte Hain. Haal Hee Me Kehlaate Sunnion Se Kuchh Jag'hon Se Sun Ne Ko Meel Raha Hain Ki, "Aaj Kal Ke Hamaare Molvi Aalim Hee Ab Shirk Aur Bid'at Me Pad Chuke Hain Aur Nabi-Wali Se Direct Madad Maang Rahe Hain !" Aisa Kehlaate Sunni Bhaai Keh Rahe Hain. YE HAIN NAJDI VAHAABI DEWBANDION KE SAATH TA'ALLUKAAT AUR MELJOL AUR DOSTI, RISHTEDAARI KA ANZAAM ! Shirk Karne Waala Islam Se Hee Nikal Jaata Hain, Aisa Unhein Elm Hona Chaahie, Jis Se Un Ka Yeh Kehna Ka Matlab Kya Huwa Woh Khood Samje. Is Tareh Bolne Waalon Ko "SHIRK" Aur "BID'AT" Kise Kahne Me Aata Hai Use Awwal Sheekhna Aur Samajna Chaahie ! Agar Sunni Ba-Amal Aalim Se Sohbat Rakhi Hoti, Aur Deeni Kitaabein, Seerat Ki Aur Aqaaid Ki Kitaabein Ghar Me Basaayi Aur Parhi Hoti To Ye Din Un Ke Na Hote. Aaiyye ! Qur'aan Wa Hadith Shareef Aur Ulama Ke Aqwaal Se Us Ki Sachchhaai Ko Samjhe Jis Se Hamaare Aise Kachche Kaanon Waale Bhaai Behmo Ko Seedhi Raah Meele. QURA'AN PAR IMAAN WAALON KO QURA'AN KA HUQM Musalman Ki Rehnumaai KUi Jad Qura'an Shareef Hai Is Liye Aao ! Pehle Us Se Hidaayat Haasil Kare. Sabse Pehle Ye Baat Samaj Lo Ki Tum Allah Azavajalla Ke Alaawa Kisi Bhi Shakhs Ya Cheez Se Madad Maango Ya Madad Lo Jaise Ke Hamaari Rojmarra Me Hota Hai, To Ye ALLAH TA'ALA KI HEE MADAD HAI, VOH SHAHS YA CHEEZE TO ALLAH TA'ALA KI MADAD KE ZAREEYA YA WASEELA HEE HAI. Haqiqi Asl Madadgaar To Allah Ta'ala Hee Hai Lekin Khuda Ta'ala Ne Hee Usme Aisi Laaykaat Paida Ki Hai Jis Se Woh Cheez Ya Shakhs Madad Karne Ke Laayik Hai. Ab Suno ! Hamaara Rab Qura'an-E-Paak Me Kya Huqm Deta Hai ? : Tarjuma : "MADAD MAANGO SABAR AUR NAMAAZ SE." [Para-02,Soora E Baqrah, Aayat-153] To Kaho ! Allah Ta'ala Ke Alaawa Kisi Se Madad Maangni SHIRK Hain To Kya Allah Ta'ala SHIRK Ka Huqm De Raha Hain ? (Ma'azAllah) Ya Phir, Kya SABAR Aur NAMAAZ KHUDA Hai Ke Jis Se Madad Maangne Ka Huqm Huwa ? Gaur Karo ! Dusri Aayat Me Hai : Tarjuma : "Aapas Me Ek-Dusreki Madad Karo Bhalaai Aur Parhezgaari Par ." [Para-06,Soora E Maaidah,Aayat-02] Kaho Hazraat ! Garche Allah Azzavajalla Ke Alaawa Gairullah Se Kisi bhi Tarike Ki Madad Nahin Le Sakte To Is Huqm Ka Kya Matlab Nikaloge ? KYA QURA'AN SHIRK KA HUQM KARNE KO NAAZIL HUWA YA SHIRK MITAANE KO ? Saabit Huwa Ke Hamaari Samaj Ka Kusoor Hain . Is Liye Imaan Ke Baare Me, Shirk Aur Bid'at Ke Baare Me Sacchha Elm Haasil Karo , Kisi ki Kahi Suni Baaton Ko Na Pakad Lo ! Balke Qura'an Shareef Ke Huqmo Ke Mutaabik Hee Chalo.Yaad Rakkhe Ki Jo Ye Na Samjhe Ke SHIRK Kisey Kehty Hain, Wo Touheed Ko Nahi Kabhi Nahin Jaan Sakta. To Aaein Aur jaanein TOUHEED Aur SHIRK Kisey Kehtey Hain : - -| AQIDA-E-TOUHEED |- Allah Ta'ala Ek He Uska Koi Sharik Nhi Na Zaat Me Na Sifaat Me Na Af'aal Me Na Ahkaam Me Na Asmaa Me Wo Wajibul Wujood He (Uska Wajud Zaruri He) Hamesha Se Hai Aur Hamesha Rahe Ga. [Bahaar E Shariat V1 P1] -| SHIRK KI TAREEF |- Ek Se Zyada Khuda Man'na Ya'ani ALLAH TA'ALA Ki Zaat, Sifat Ya Af'aal Me Kisi Ko Wesa Hi Samaj Kar Sharik Karna. Ya Kisi Ghairullah Ko Mustahiq-E- Ibadat Wa Paristish Jan'na Ahlesunnat Ko Khumakhwa Mushrik Kehne Waale Is Taarif Ki Roshni Me Mushrik Saabit Karein. -| Shirk Ki 3 Iqsaam |- [1] Shirk Fil-Ibadaat Murad Ye Ke ALLAH TA'ALA Ke Elawa Kisi Ayr Ko Mustahiqq-E- Ibadat Samjha Jaye [2] Shirk Fiz-Zaat Murad Ye Ke Kisi Ko ALLAH TA'ALA Jesa Maan'na Jesey Majoosi 02 Khudaaon Ko Maanty The. [3] Shirk Fis-Sifaat Ye Hy Ke Kisi Zaat Me ALLAH TA'AL Jesi Sifaat Maan'na, Jis Tarah Din Ka Andaza Raat Ke Baghair Nahi Lagaya Jaa Sakta Isi Tarah Agar Kisi Ke Saamny Baatil Ka Tasawwur Na Ho To Wo HAQU Ki Laz'zaton Sey.Aashna Nahi Ho Sakta To Jo Na Samjhe Ke SHIRK Kisey Kehty Hain, Wo Touheed Ko Nahi Jaan Sakta. "ELM" Insaniyat Ka Zaiwar Hain Lekin "ELM" To Khuda Ta'ala Ki Sifat Hain To Kya Ye "SHIRK" Hoga ? Iska Jawaab Ye He Ke Jo "ELM" ALLAH Ta'al Ka He Wo Bande Ka Nahin, Allah Ta'ala Ka "ELM" Apna He, Hamaara "ELM" Usi Ka Ata Karda He. Uluhiyat Aur Abdiyat Ke Darmiyan Yehi "FARQ" Hai. Usi Trah Allah Ta'ala "SAMI O BASEER" He. Aur Farmata He Ke h Hamne Insan Ko SAMI O BASEER Ya'ani Sunne Aur Daikhne Waala Banaya. To Allah Ta'ala Ki Tamam Sifaat Be Niaz O Ghani Hokar Hain Aur Bandon Ki Ye Sifaat Uske Hajat Mand Aur Niaaz Mand Hokar Hain Kyun Ke Unhein Ye Sifaat "RAB TA'ALA" Ne Dee Aur Wo Khud Aur Uski Sifaat "RAB TA'ALA" Ke Qabze Aur Qudrat Me Hain. Allah Ta'ala farmata He ! - "Koun He Jo SHAFA'AT Kare Baghair IZN-E-KHUDA WANDI Ke." [PARA 3] Pata Ye Chala Ke Baghair IZN Ke Shafa'at Ka Aiteqad "SHIRK" He. Aur IZN Ke Saath Ain "TOUHEED" He. Saabit Ho Gaya Ke Jab Ye Aqeeda Aaya Ke Fulan Shakhs Allah Ta'ala Ke IZN Ke Bagair Koi Hajat Puri Kar Sakta He To "SHIRK" He. Aur Jab "IZN-E-ILAHI" Ka Aqeeda Aaya To "SHIRK" Khatam. Jab Hazrat Esa Alayhisslam Ne Qoum Ke Saamne Taleem-E-Risalat Paish Ki To Ynse Kaha ! - "Aur Acchha Karta Hoon Andhe Aur Korhi Ko Aurr Murdo Ko Zinda Karta Hoon ALLAH TA'ALA Ke Hukm Se." [AAL E IMRAN, Aayt-49] Ab Daikhye Shifa Daina Aur Murde Ko Zinda Karna Ye ALLAH TA'ALA Ka Kaam He. Is Lehaz Se To Hazrat Esa Alayhisslam Ne Allah Ta'ala Ke Kamon Ka Da'wa Kiya, Laikin Ab Aage Farmate Hein "BE IZNILLAH" Ya'ani Me Jo Kuch Karta Hoo Allah Ta'ala Ke Izn Se Karta Hoon. Waazeh Ho Gaya Ke Yahan "IZN-E-ILAHI" Touheed Aur Shirk Ka Bunyadi Nuqta He. Aur Mukhalfeen Ke Liye 01 Aasan Jawaab Hai. Agar Koi "AWLIYA ALLAH" Ko "BE IZNILLAH" Hajat Rawa Kahe To Shirk Khatam Lekin Sawaal Ye He Ke Kya Waaqei Allah Ta'ala Ne Unko IZN Diya Hai ? Agar IZN Diya He To Iski Kya Daleel He ? Ham Munkireen-O-Munafiqeen Ko Da'awat Dete Hein Ke Wo Aaein Momineen Ki Taraf Ke Wo Shirk Se Paak Hain, Kyun Ke Unke Paas "BE IZNILLAH" Ka Suboot He, Aur Wo "AWLIYA ALLAH" Ko "BE IZNILLAH" Hajat Rawa Maante He, Ham Mut'thi Bhar Munafiqeen-O- Murtideen Ko Ye Dikha Daina Chaahte He Ke Allah Ta'ala Ne "AWLIYA ALLAH" Ko IZN Diya Hai Kyun Ki Alhamdolillah Hamaare Aiteqad Me Na "SHIRK" Ka Sha'iba He Aur Na Hi "KUFR" Ka.Aaj Munaafeqib Shirk Fis-Sifaat Ka Galat Mafhum Paish Karke Musalmano Ko Gumraah Karney Ki Koshish Karty Hain. To Aayiye ! Qura'an-e-Kareem Se Aqaaid-E- Islamiya Jaanty Hai. -|Shirk Fis Sifaat Aur Qura'an Shareef|- ¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤ ¤¤¤¤¤¤¤¤ [1] ALLAH TA'ALA Rauf Aur Raheem [Baqarah 143] Huzoor SALLALLAHU ALAYHI WASALLAM Bhi Rauf Aur Raheem [Touba 128] [2] Madadgaar Sirf ALLAH TA'ALA [Muhammad 11] Jibrael Alayhissalam Aur AuliyaAllah Bhi Madadgar [Tehreem 04] [3] ALLAH TA'ALA Jaan Ko Mout Deta Hai [Zumr 42] Mout Deta Hai Mout Ka Farishta [Sajda 11] [4] ALLAH TA'ALA Sunta Dekhta Hai. [Hajj 61] Bande Bhi Sunte Dekhty Hain. [Dahar 02] [5] Elm-E-Gaib ALLAH TA'ALA Ke Paas [Namal 65] Rasoolon Ko Bhi Elm-E-Gaib Hai. [Jinn 26/27] [6] ALLAH Azeez Hain [Touba 40] Rasool Azeez Hain [Touba 128] [7] Jisne Rasool ki Eta'at Ki Usne ALLAH TA'ALA Eta'at Ki. [Para-05, Rukooa-08] Eta'at Karo ALLAH TA'ALA Ki Aur Eta'at Karo Rasool Ki. [Para-05,Rukooa-05] Suwaal : - Kya Qura'an Ne Rasool SALLALLAHU ALAIHI WASALLAM Ko ALLAH TA'ALA Ka Shareek Bana Diya ? Juwaab: - Nahi Kyun Ke ALLAH TA'ALA Zaati Tour Par Rauf, Raheem, Azeez Hai Jab Ke Huzoor Alayhissalam, ALLAH TA'ALA Ki Ataa Se Rauf-O- Raheem Hai. Suwaal: - Kya ALLAH TA'ALA Ke Elawa Kisi Ko "Fariyad Sun'ne Wala" "Sab Kuchh Deny Wala" "Gareebon Ko Nawazny Wala" "Mushkilen Hal Karny Wala" "Khazany Bakhshny Wala" Kehna SHIRK Hai ? Juwaab: - Jee Nahin, Kyun Ke ALLAH TA'ALA Zaati Tour Par Sab Kaam Karta Hai Jabke Makhlooq (Waliyon) Ko ALLAH TA'ALA Ne Hi Ghous, Daata, Gareeb Nawaz, Mushkil Kusha, Ganj Bakhsh Aur Dastageer Banaya Hai Yahin Islam Ki Ta'leem Aur Qura'an Se Saabit Hai. Jesa Ke Ibtidaa Me Aayaat Paish Ki Gayeen : Meanings: [1] RAUF =Meharbaan [2]RAHEEM =Reham Karny Wala [3] Sami =Sunne Wala [4] Baseer =Dekhne Waala Yaha Tak Ke MAULA Allah Ta'ala Ko Kehte Hai Aur Aalim Ko Bhi MAULANA ! Ye Sub Kuch Parhney Ke Baad Zara Emaandari Se Sochen Kya Ye Bhi ALLAH TA'ALA Ki Sifaat Nahin ? Magar Phir isey Qura'an Shareef Ne Insan Ki Sifaat Bi Bataya Pas Jahilon Ko Chaahye Ke ALLAH TA'ALA Ki Zaat Se Ye Aqida Rakhen Ke Woh Apni Sifaat Ka Mazhar Apne Bando Ko Apne Fazal Se Banata Hey Aur Jise Jitna Zyada Chaahe Ata Kar Sakta Hai. Agar ALLAH TA'ALA Madadgaar, Mout Dene Wala, Gaib Ka Janne Waala Hai Aur Qura'an Ke Mutabiq Iski Makhlooq Me Bhi Ye Sifaat Hen To Ye Shirk Nahin Huaa Kyun ke ALLAH TA'ALA Ki Sifaat Zaati Jab Ke Makhlooq Ki Sifaat Ataayi (Granted) Hain Aur Jahaan Zaati Aur Ataayi Ka Faraq Aa Jaayein Wahaan SHIRK Ka Hukum Nahin Lagta.. QURA'AN-E-PAAK : - "ALLAH TA'ALA Aur Us KE Rasool Dono Dene Wale (Daata) Hai." [AL-TOUBA : 10/59] Mere Aaqa Detey Hai Jholi Sab Ki Bhartey Hain Mere Kareem Se Gar Qatra Kisi Ne Maanga Dariya Baha Diye Hai Durbe Baha Diye Hain. QURA'AN-E-KAREEM: - ALLAH TA'ALA Bhi Wali Hai Aur Us Ka Rasool Aur Emaan Waley Bhi. [AL-MAiDA : 6/55] Shirk, Bidd'at Ki Ratt Lagane Waaley Gour O Fikar Karein ! Allah Azzavajal Ke Rasool SALLALAHU ALAIHI WASALLAM Ke Baare Me Khud Allah Azzavajlla Farmata Hain : - "Ye Nabi Unko Kitaab Aur Hiqmat Ka Elm Ata k Karte Hain." [Soorae Barah, Aayat-151] Kya Ye Madad Nahin ? Kitab Aur Hiqmat Ka Elm Insaan Ki Duniya Aur Aakhirat Dono Ke Liye Mahaan Madad Hai. Kya Ise Bhi Shirk Kahonge ?! Qura'an To Kehta Hai Ke Rasool SALLALLHU ALAIHI WASALLAM Dete Hain Aur Tum Unse Mangne Ko Shirk Samazte Ho ?! Tumhaare Aqaaid Ka Mazhab Hargheez Islam Nahin ! Is liye Samjho Aur Tumhare Galat Aqaaid Se Taubah Kar Tumhari Aur Tumhari Aane Waali Nasal Ki Aakhirat Ko Bacha Lo.Ye To Ap Jante Hen Ke Elm-E-Gaib ALLAH TA'ALA Ki Sifat Hai. Suwaal : - Agar Koi Qura'an Ki Roo Se RasooLon Ke Lye Bhi ELm-E-Gaib Ko Maane To Kya Ye Shirk Hoga ? Juwaab : - Ji Nahi, AL-QURA'AN - "Gaib Ka Jan'ne Waala To Apne Gaib Par Kisi Ko Musallat Nahin Karta Siwaae Apne Pasandida Rasoolon Ke" [Sura E Jinn Ayat #26-27] Beshak Alim-ul-GAIB Allah Hee Ki Zaat Hai, Zaati Tour Par Gaib Woh Hee Jaanta Hai, Qura'an Mein Aur blBhi Kai Jageho Par Farmaya Hai : - "Aur Allah Ke Shaan Ye Nahin Ke Aam Logo!! Tumhain Gaib Ka Elm De De, Haan Allah Chun Leta Hai Apne Rasoolon Mein Jisey Chaahe" [Al-ImranAyat : 179] Bus Samajhne Ki Baat Ye He Ke ALLAH TA'ALA Ka Aalimul Gaib Hona Zaati Aur MustaQil He, Jab Ke RasooLon Ko ALLAH TA'ALA Ki Ataa Se Haasil He. BeShak ALLAH TA'ALA Madadgaar He Musalmano Ka. Suwaal : - Agar Hum GhairULLAH Ko Bhi Madadgaar Kahen To Kya Ye Shirk Hua ? Juwaab : - Nahin, AL-QURA'AN : - "BeShak ALLAH Unka Madadgaar Hai Aur JibreeL Aur Naik Imaan Waale" [Al-Tahreem Ayt#4] Agar GhairULLAH Ki Madad Ka Yaqin Rakhna Shirk Hota To Ye Aayat Kyun NaziL Hui ?! Shifa Dena Aur Murdey Zinda Karna To ALLAH TA'ALA ki Sifaat Hen, LeKin Dusri Taraf to ESAA Alayhissalam Ke Mutalliq Qura'an Ye Sifaat Batla Raha He ! AL-QURA'AN : - "Aur Me Acchha Karta Hun Andhey Aur Korhi Ko, Aur Murdey Zinda Karta Hun ALLAH Ke Hukum Se" [Aal-E-Imran Ayat#49] - Pas Isi Tarah ALLAH TA'ALA Apni Ataa Sey Apne MaqbooLeen Ko Ghaib Ka Elm, Tasarrufat, Bando ki Imdad Wa Haajat Rawa'ee Wgerah Ataa Frmata He. "ALLAH Jise Chahy Betyan Ataa Frmaye Aur Jisey Chahy Bete Dey" [Al-SHURA Ayat#49] Suwaal : - To Kya Hum Kisi MaQbooL Ghair-E- KHUDA Ke Liye Aisa Aqeeda Nahi Rakh Saktey ? Juwaab : - Rakh Sakte Hein, AL-QURA'ANN: - (JibraiL Alayhissalam) "Mein Tere Rab Ka Bheja Huaa Hun Taa Ke Mein Tujhe Ek Suthra Beta Dun" [MARYAM Ayat#19] "Tum Frmaao Tumhe WAFAAT Deta He Mout Ka Farishta Jo Tum Par Muqarrar He" [SAJDAH Ayat#11] Kesi AJEEB Baat He Ke Loug Is Aayet Par To Sar-E-Kham Tasleem Karein Par Is Aayat Ka Inkaar Karte Phiren ? Ke.. ....., - "Tumhaare Dost Nahin Magar Allah Aur Us Ka Rasool Aur Imaan Waale" [MAAEDA Ayat#55] "Beshak Allah Unka Madadgaar Hai Aur Jibrail Aur Nek Imaan Waale Aur Us Ke Baad Fariste Madad Par Hain." [TAHREEM Aayat : 04] Aisa Kyun ? Itna Ikhtelaf Kyun ?! "BeShak Izzat Sari ALLAH Ke Liye He" [YOUNUS Ayat#65] Suwaal : - Agar Hum ALLAH TA'ALA Ke Pyaron Ko Bhi Izzat Wala Kahen To Kya Ye SHIRK Hoga ? Juwaab : - Ji Nahin, Kyunke Ye Bhi QURA'AN Ka Irshad He, - "Aur Izzat To ALLAH Aur Uske RasooL Aur Musalmano Hee Ke Liye He Magar Munafiqon Ko Khabar Nahin." [MUNAFIQOON Ayat#08] Hazrat Esaa Alauhissalam Ka Elaan : - "Koun Mera Madadgar He ALLAH Ki Taraf" [Aale Imran Ayat#52] Suwaal : - Essa Alayhissalam Ka Is Tarah Gairullah (Yaani Hawariyo) Se Madad Mangna Shirk Kyun Nahin Hua ? Juwaab : - Kyun Ke, Al-Qura'an : - "Beshak ALLAH TA'ALA Unka Madadgar Hai Aur Jibreel Aur Nek Imaan Waale Aur Us Ke Baad Farishte Madad Par Hain" [Tehreem Ayat#04] "Farma Dijye, Mere Liye ALLAH Kaafi He" [Touba Ayat#129] Suwaal : - To Kya Ye Kehna SHIRK Hoga ? Ke "Mere Lye ALLAH O RasooL Kaafi Hein" Juwaab : - Nahi Ji, Qura'an Me To Ye Bhi He ke : - "Aye Gaib Ki Khabare Bataane Waale(Nabi) Allah Tumhein Kaafi Hain Aur Ye Jitne Musalmaan Tumhaare Pairoo Hue" [Anfaal Ayat#64] Yaad Rahey !! Aayat Ka Inkaar KUFR He. ALLAH AZZAVAJALLA Hee Hukum Deta Hey Aur ALLAH TA'ALA HEE FAISLA Karne Wala Hey Lekin Dusri Taraf Qura'an Me Ye Bhi Irshad Hua : - "Shouhar Aur Biwi Ke Tanaz'ey (Jhagre) Ko Hal Karne Ke Liye Ek Faisla Karne Wala Biwi Ki Taraf Sey Aur Ek Shouhar Ki Taraf Sey Muqarrar Kiya Jaaye" [Al-Nisaa Ayat#35] Kya Samjhey ?! Suwaal : - Hum "Ya Rasoolallah SALLALLAHU ALAIHI WASALLAM Madad" "Ya Ghous Al Madad" Kyun Kehte Hein ? Juwaab : - ALLAH Ki Ataa Sey Anbiya, Awliya Bhi Fayda Puhncha Saktey Hein. Qur'an Parhen Noor Paayen : - "Tumhare Dost Nahin Magar ALLAH Aur Uska Rasool Aur Imaan Waale" [Al-Maida Aayat : 55] "ALLAH Wa Rasool Ne Unhein Apney Fazal Sey Ghani Kar Diya" [Touba Aayat : 74] "Be Shak ALLAH Unka Madadgar Aur Jibreel Aur Naik Imaan Waley Aur Is Ke Baad Farishtay.." [Tehreem Aayat : 04] Siddiq-e-Akbar RadiyAllah Ta'ala Anhu : - Sab Sy Zyada Sach Bolne Waala Farooq-e-Azam RadiyAllahu Ta'ala Anhu : - Sab Sy Behtar Haq-O-Baatil Me Farq Karny Wala Usman-e-Ghani RadiyAllahu Ta'ala Anhu : - Sab Sy Zyada Shakhi Ali Akbar RadiyAllahu Ta'ala Anhu : - Sab Sy Zyada Buland Ye Sab Bhi To Insano Ke Alqaab Hein Baat Baat Par Shirk Ke Fatwe Lagany Waalon Ki Nazar Me To Hazraate Abu Bakr O Umer Ridwanullahi Ta'ala Alayhim Azmain Ke Name Lene Waly Bhi Mushrik Hogaye ! Ma'azAllah Aur Aisa Hee Hai To Sab Ye Naam Kyun Rakhte Hain, Sattar Razzak Qadir Wahhab..., Jo Jai Saare Allah Azzavjallah Ke Naam Hai To Ise Sab Apane Naam Rakhte Hai Lekin Usme Naam Ke Aage "ABDUL" Lagaate Hai Ke ALLAH AZZAVAJALLA Ka BANDA, Jaise ke : - Abdul Sattar Abdul Wahhab Abdul Qadir Abdul Razzak.... To yaha Par Kya Samjhein ! Aur Aap Khud Dekhe Ki Naam Bande Ka Rakha Hai Abdul Razzak Ya Abdul Wahhab Ya Feer Abdul Sattar To Kai Log Inhe Direct Hee Pukarte Hai Ya Bulaate Hai Ke, Aye Wahhab Aye Sattar, Razzak, Qadir Wagerah To Kya Ye Mushrik Na Hue Ya Ye Musharik Ho Gaye Jo Ek Bande Ko Jo Kuchh Ikhtiyar Bahi Rakhta Use Is Tareh Allah Ta'ala Ke Naam Se Bulaata Ya Pukarta Hain ?! Illa MashaAllah Hum Sabki Baat Nahin Karte Lekin Feer Bhi Dekhe Ke Yeh Nahi Ho Raha ?! Kahege Voh To Uska Sifati Hai Ham To Uske Bande Hai Is Tareh Naam Rakhte Hai . Allah Ta'ala Bada Rehman Hai Voh Bada Bakhsne Walla Hai Vagerah Vagerah Jawab Denge. To Janaab ! Hamne Kab AwliyaAllah Ko Khuda Samazkar Ya Khuda Maan Kar Pukaara Ya Pukarte Hai ?! Ma'azAllah Kis Liye Fasaad Failaate Ho ?|= Kya Ye Hadithe Bhi Bid'at Yaa Shirk Ki Ta'alim Deti Hai ?! =| Allah Azzavajalla Ki Kitab Qura'an Shareef Ke Baad Jiski Raah Jannat Ki Raah Hai Voh Hai HADITH SHAREEF ! Us Se Hidayat Haasil Karein. Allah Azzavajalla Ke Alaawa Us Ki Makhlook Me Se Kai Cheezon Se Madad Le Ja Sakti Hai Yaa Maang Sakte Hai, Us Se Saabit Hadith Shareef To Kai Saari Hai. Aaiyye ! Kuchh Ahaadith Sharef Ke Jarie Galatfehmi Ko Durr Kar Ke Imaan Taro Taaja Karte Hain Aur Shaitaan Ko Maayus Karte Hain. Hazrat Aboo Hureirah RadiyAllahu Ta'ala Anhu Rasoolullah SALLALLAHU TA'ALA ALAIHI WASALLAM Se Riwayat Karte Hai Ke,: - "Suba'h, Raat Aur Raat Ke Aakhri Waqt (Hisse) Ki IBAADAT SE MADAD CHAAHO." [Bukhari,Nisaai Shareef] Kya IBAADAT KHUDA Hai ? Saabit Huwa Ke Khuda ki "IBAADAT" Ye Khuda Ki Madad Maangne Ka Zariya Aur Waseela Hai. Usi Ke Mutaabik NABI-WALI BHI KHUDA KI MADAD KE ZARIYE AUR WASEELE HAI JISE UN SE MAANGNA NAHI SHIRK HAI AUR NAHI BID'AT HAI. Aaiyye ! Sabka Iman Taaja Ho Jaae Aisi Aur Ek Saaf Hadith Shareef Suno ! Sahih Muslim Aboo Daood Ibne Maajah Moajam-E-Kabeer Aur Tibrani Me Rabeeah Ibne Ka'ab Aslami RadiyAllahu Ta'alaAnhu Se Hai. . Hazrat Rabeeah Aslami RadiyAllaho Ta'ala Anhu Bayan Karte Hai,: - "Main Raat Ko Huzoor SALLALLAHU TA'ALA ALAIHI WASALLAM Ki Khidmat-S-Aqdas Me Tha. Maine Huzoor SALLALLAHU TA'ALA ALAIHI WASALLAM Ko Wuzoo Ke Liye Paani Aur Deegar Saamane Zarurat Pesh Kiya, To Huzoor SALLALLAHU TA'ALA ALAIHI WASALLAM Ne Irshad Farmaya : "Maango Kya Maangte Ho Mein Tumhe Ata Karunga !" (Rabeeah RadiyAllhu Anhu) Ne Arz Ki, "Mein Huzoor ALAIHISSALATOWASSALAM Se SAWAAL (Maangta Hoon) KARTA HOON Me JANNAT Me Huzoor SALALLAHU ALAIHI WASALLAM KA SAATH ATA FARMAAO." Huzoor ALAIHISSALATOWASSALAM Ne Farmaya: "KYA ISKE ALAAWA AUR KUCHH MAANGNA HAI ?!" Maine Arz Kiya Ke, "BAS ! MERI MURAAD TO YEHI HAI !" Aaqa SALLALLAHU ALAIHI WASALLAM Ne Farmaya : "Zyada Sajdon Se Apane Nafs Ki Islah Kar Ke Meri Mu'aawenat Karo." - [MISHKAT SHAREEF,SAFA:8 4 / MUSLIM SHAREEF,JILD:1,SAF A:83] Sub'hanAllah ! Ye Duniya Ke Joothe Logo Ki Tareh Thoonk Nahi Udaaya ! Allah Azzavajalla Ke Mehboob SALLALLHU ALAIHI WASALLAM Ko Allah Ta'ala Ki Ata s Se Taaqat Hai Isi Liye To Farmaya, "Maango ! Kya Maangte Ho ?" Ek Hadith Shareef Me Hai : HUZOOR-E-AKRAM SHAAFI-E- MEHSHAR SAIYAD-E-DO-AALAM SALLALLAHU TA'ALA ALAIHI WASALLAM Irshad Farmate Hai: - "Allah Ta'ala Deta Hai Aur Mein Takseem Karta Hoon." [Mishkat Shareef] Ab Bhi Tumhe Huzoor Alayhissalatowassalam Se Maagne Me Waswasa Hai ?! Hadith Shareef Me Rasool SALLALLAHU ALIHI WASALLAM Ne Khud Farmaya Ke Maang ! Ab Bhi Tumhe Bid'at Aur Shirq Dikhai Deta Hai ? Kya Allah Wa Rasool Azzavajala Wa Sallallhu Alihi Wasallam Shirk Ka Huqm De Rahe Hai ?! Aye Logo ! Dimaag Ko Sahi Jageh Laao Aur Samzo ! Kaha Ghumrahi Me Bhatakne Ja Rahe Ho ?! Lekin Feer Bhi Is Hadith Shareef Me Munaafiq Aitaraj Kiya Karte Hai Ki Ye Is Tareh Hai Usme Yun Hai, Kya Maalum Unke Jahen Me Kya Ghusa Huwa Hai, Allah Ta'ala Sahi Samaz Ata Farmae. Yaha Par Ab Ye Bhi Gaur Kare Ki Rasool-E-Khuda SALLALLAHU ALAIHI WASALLAM Allah Ta'ala Ki Ata Se JANNAT De Sakte Hai Aur Maangne Waale Ko JANNAT Me Apana Saathi, Padoshi Bhi bLBana Sakte Hai. Socho ! Jannat Vo Ke Jiski Neamaton Ki Baraabari Me Duniya Ki Kool Neamatein Nahi Ho Sakti, Aisi Soch Ke Baahar Neamaton Waali Jannat Huzoor Alaihissalam De Sake To Duniya Ki Cheeze Dena Voh To Khoob, Kaafi Hee Maamuli Baat Kehlayegi ! To Janaab Woh Kyun Na De Sake Aur Kyun Un Se Na Maang Sake ?! Ab Jinko Is Hadith Shareef Se Ikhtelaaf Hai To Isi Hadith-E-Paak Ke Baare Me Mahaan Ulama Ke Jo Aqawaal Hai Voh Parh Le Jis Se Aapka Ikhtelaf InshaAllah Ta'ala Durr Ho Jaaye... |= UPAR DEE GAYI HADITH SHAREEF KE BAARE ME MAHAAN ULAMA KE AQWAAL =| Shaykh Muhaddith Dahelwi Alaihirrehmah "ASHIATUL LAMAAT" Jild-01, Page-364 Me Farmate Hai : - "Kudrato SaltnateWaiZeyaada Bara'aa Bude Malkomalkut Jinno Inso Tamaamahu Awliya BaTakdeere Tasarroofe Elaahi Azzo Jalla Dar Hee Ta'e Kudrato Tasarroofe Waibood." Ya'ani ke, Huzoor SALLALLAHU ALAIHI WASALLAM Ki Saltanat Us Se Bhi Zyada Se Zyada Hai. Mulka Aur Malkoot, Jinnaat Aur Insaan Aur Tamaam Aalamo Rab Ki Ata Se Huzoor SALLALLAHU ALAIHI WASALLAM Ke Taabe Hai. Isse Jaahir Huwa Ke, Allah Ta'ala Ki Ata Se Tamaam Aalam Ya'ani Aalame Malakoot(Farishton Ki Duniya), Aalme Arwaah (Roohon Ki Duniya), Aalame Ajsaam (Jism waalon kKi Duniya), Aalame Imkaan (Jitni Mumkin Cheeze Ho) Matlab Ki Saari Makhllooq Me Huzoor SALLALLAHU ALAIHI WASALLAM Ki Baadshaahi Hai. KHAALIQE KOOL NE AAPKO MAALIKE KOOL BANA DIYA DONON JAHAAN HAI AAPKE KABZAAO IKHTIYAAR MEIN [BaHawaala :Kitab SALTANATE MUSTAFA SALLALLAHU ALAIHI WASALLAM.] Dahelwee Rehmatullahi Alayh (Jise Maan Ne Ka Vahaabi Deobandi Bhi Daawa Karte Hai) Is Hadith Shareef Ke Khulase Me Farmate Bai : - "SAWAAL MUTLAQ (Bin Shartee) Hai, "SAL" Ya'ane "Maang !" Kisi Cheez Ka Izhar Nahi (Ke Ye Maang Ya Voh Maang, Itna Maang Ya Utna Maang) Jis Se Pata Chala Ke Tamaam Kaam Huzoor SALLALLHU ALAIHI WASALLAM Ke Ikhtiyar Me Hai, Jo Kuchh Bhi Aap Chaahe Jisi Chaahe Khuda Ke Huqm Se Ata Farma De." [BaHawaala: Barkatul Imdaad Li Ahhlil Istimdaad] Biradarane Islam ! Kaho ! Mohaqqiq E Alal Itlaq Hazrat Shaykh Mohaddith Dahelwi Rehmatullahi Alayh Bhi Shirk Ki Ya Bid'at Ki Ta'alim De Rahe Hai Jis Liye Keh Rahe Hai Ke, "Huzoor Alayhissalato Wassalam Ke Ikhtiyar Me Saare Kaam Hai Jo Chaahe Use Rab Ki Ata Se De De !" Shear Ka Matlab : "DUNIYA AUR AAKHIRAT AAPKI SAKHAAWAT SE HAI AUR LOHO QALAM KA ELM AAPKE ELM KA TUKDA HAI." Sub'hanAllah ! Allama ( Mulla) Ali Qaari Rehmatullhi Alaih Mirqat Me Is Hadith Ka Khulasa Farmate Hai : - "Huzoor Alayhissalato Wassalm Ne Jo Maangne Ka Mutlaq (Abadhit) Huqm Diya Hai Us Se Jaahir Hota Hai Ke ALLAH TA'ALA NE HUZOOR SALLALLHU ALAIHI WASALLAM KO KUDARAT (Quwwat,Taakat, Shaqti) DEE HAI KE Allah Ta'ala Ke Khajaano Ke Se Jo Kuchh Chahe Ata Farmaaye." Sub'hanAllah ! Aur Kuchh Khulasa Sunna Hai ?! Suno ! Farmate Hai : - "Imaam Ibne Saba'a Wagerah Ulama Ne Huzoor SALLALLAHU ALAIHI WASALLAM Ki Mubarak Khasiyaton Me Bataya Gaya Ke JANNAT KO ALLAH TA'ALA NE HUZOOR SALLALLAHU TA'ALA ALAIHI WASALLM KI JAAGEER BANA DEE HAI KE USM SE JO CHAAHE JISE CHAAHE ATA KARE." [BaHawaala : Barkatul Imdaad] Ab Kaho Ke Is Hadith Shareef Me Azeem Mahaan Sahaabi Rabeeah RadiyAllhu Ta'ala Anhu Ne Direct Huzoor Alayhissalato Wassalm Se Jannat Maangi ! Utna Hee Nahin Balki Jannat Me Rasool SALLALLHU ALAIHI WASALLM Ka Saath Bhi Maanga Lekin Maang Kar Shirk kiya ?! Kya Unhe Bhi Shirk Kisi Kehte Hai Khabar Nahi Thi Ya Unhe Ma'azAllah Pata Hee Nahi Tha ?! Aur Agar Unhone Bhool Ki Hoti To Rasool-E-Paak SALLALLHU ALAIHI WASALLAM Tauba Karvaate Yaa Nahin ?! Ki, "Mere Se Maangte Ho ! Tumne Shirk Kiya ?!" Lekin Nahin ! Rasool-E-Paak SALLALLAHU ALAIHI WASALLM Ne Unhe Maangne Ke Mutabik Ata Kar Diya. Sub'hanAllah! Aur Ye Bhi Sabit Huwa Ke Nabi-E- Paak SALLALLAHU ALAIHI WASALLM Se Maangna Na Hee Shirk Hai Aur Naa Hee Bid'at Hai.Jab Muhaazirin Makka Moazzama Se Hizrat Kar Ke Madina-E-Munawwara Me Aaye To Yaha Ka Paani Pasand Na Aaya Jo Khaari Tha. Madina Munawwara Me Ek Shakhs Ki Milk Me Cashma Tha Jiska Naam Rouma Tha. Woh Shakhs Apne Chashme Ka Paani Bech'ta Tha. Huzoor SALLALLAHU TA'ALA ALAIHI WASALLAM Ne Us Se Farmaya : Tum Yeh Chashma Mere Haath Jannat Ke Chashme Ke Badle Bech Do Aur Jannat Ka Chashma Mujh Se Le Lo ! Us Ne Arz Kiya : Ya Rasoolullah SALLALLAHU TA'ALA ALAIHI WASALLAM ! Mere Aur Mere Baal Baccho Ki Rozi Isi Se Hai Mujh Me Taaqat Nahin. Yeh Khabar Hazrat Usman-E-Gani RadiAllahu Ta’ala Anhu Ko Pahunchi m To Aap Ne 35 Hazaar Dhirham Nakad De Kar Us Shakhs Se Woh Chashma Kharid Liya. Phir Hazrat Usman RadiyAllahu Ta'ala Anhu Ne Dono Jahaan Ke Sardaar Ki Khidmat Me Haazir Ho Kar Arz Kiya : Ya Rasoolullah SALLALLAHU TA'ALA ALAIHI WASALLAM ! Jis Tarah Aap Us Shakhs Ko Jannat Ka Chashma Ata Farma Rahein The Agar Mein Yeh Chashma Us Se Kharid Lu To Kya Huzoor Woh Jannat Ka Chashma Mujhein Ata Farma Denge ? Huzoor SALLALLAHU TA'ALA ALAIHI WASALLAM Ne Farmaya.: BeShak Woh Mein Aap Ko De Dunga. Hazrat Usman-E-Gani RadiyAllahu Ta'ala Anhu Khoos Hote Hue Arz Kiya : Ya Rasoolullah SALLALLAHU ALAIHI WASALLAM Woh Chashma Meine Kharid Liya Hai Aur Ab Musalmaanon Par Main Use Waqf Karta Hun. - [Tibrani Shareef : Al-Amn-Wa-Al- Ula, Safa-262] Kya Pata Chala ?! Hazrat Usman-E-Gani RadiyAllahu Ta'ala Anhu Beshak Jannati Chasma- Jharne Ke Maalik Hai. Kyun Ki, Hamaare Aaqa-O-Moula Sarwar-E- Kaaenaat Sarwar-E-Aalam SALLALLAHU TA'ALA ALAYHI WASALLAM Jannat Aur Jannat Ki Har Ek Cheez Ke Maalik Hai. Huzoor Poor Noor SALLALAHU TA'ALA ALAYHI WASALLAM Janat Ki Jo Bhi Cheez Jise Bhi Ata Karna Chaahe Use Ata Farmate Hai. Kya Yaha Par Usman-E-Gani RadiyAllahu Ta'ala Anhu Ko Pata Nahin Tha Ma'azAllah Ke Ye Jannat Ka Chasma-Jharna To Allah Ta'ala Hee Jise Chaahe Use Ata Farma Sakta Hai, Huoozr Alayhissalam Se Is Sawaal Se Shirq Ho Jaaega ?! Ya Ma'azAllah Huzoor SALLALAHU TA'ALA ALAYHI WASALLM Ne Ye Bhi Nahi Kaha Ke Mujhe Ye Ikhtiyar Kaha Ki Mein Tumhein Jannat Ka Chasma-Jharna Doon ! Kya Tumhein Pata Nahin Ke Ye Shirk Hai Jo Tum Mujh Se Mangte Ho ?! Are Munafiqon Ye Faiz Hai Ahmad-E-Paak Ka Warna Tum Kya Samjhte Ke Khuda Koun Hai ! Imaame Ajal Saiyyadi Ibne Hajar Makki Rehmatullhi Ta'ala Alayh "JOUHARE MUNAZZAM" Me Farmate Hai, Beshak ! Nabi Alayhissalatowassalam Allah Ta'ala Ke Khalifa Hai. Allah Ta'ala Ne Apane Karam Ke Khajaane Aur Apani Neamaton Ke Dastarkhaan Huzoor Alayhissalatowassalam Ke Daste Kudarat Ke Farmabardaar Aur Huzoor Poor Noor SALLALLAHU TA'ALA ALAYHI WASALLAM Ke Huqm Ke Taabe Aur Aapke Iraade Aur Ikhtiyar Taabe Kiye Hai, Jise Chaahe Ata Farmaae Aur Jise Chaahe Nahi Dete." Is Mouzu Ke Khulaase Ke Liye Deen Ke Imaam Aur Azeem-Mahaan Aalim Aur Awliya, Aarifin Ke Aqwaalon Me Hadde Tawaatoor Hain. (Unki Itni Ta'adaad Me Gawaahiaa Hai Ki Koi Sub'h Shak Rehta Hee Nahin) Jo Koi Us Ki Imaani Roshni Se Dil Jagmagaana Chaahe To Aa'ala Hazrat Imaam Ahmad Raza Rehmatullah Alayh Ki Kitaab "SALTANATE MUSTAFA Sallallhu Ta'ala Alayhi Wasallam FEE MALKOOTE KULLILWARA" Ka Mutaala Karein...MIR'AAT SARAHE MISHQAAT : - Hazrat Ibne Masood Se Riwayat Hai Farmate Hai Ke Meine Rasoolulla SALLALLAHU TA'ALA ALAYHI WASALLAM Ko Farmaate Suna Ke, ALLAH USE HARA BHARA RAKKHE JO HAM SE (Ya'ani Mujh Se Aur Mere Sahba Se Mera Ya Mere Ya Un Ka Koi Qoul Ya Amal Sune) KUCHH SUNE (07.) FEER JAISA SUNE AISA HEE PAHUNCHA DE (08.) Kyun Ki Kaafi Saare Pahunchaane Waale Sunne Waalon Se Zyada Samajdaar Hote Hai. Aur Tirmizi Ibne Majah Ne Riwayat Ki. Aur Daarmi Ne Aboo Daood Se Riwayat Hai Hazrat Ibne Abbas RadiyAllahuAnhuma Se Farmate Hai : Rasoolullah SALLALLAHU TA'ALA ALAYHI WASALLAM Ne Farmaya : - MERI HADITH RIWAYAT KARNE SE BACHO USKE ALAAWA JISKO TUM JAANTE HO ? KYUN KE JO JAAN BUJH KAR MUZ PAR JOOTH BAANDHTE HAI WOH APANA THIKAANA AAG SE BANA LE (10.) Aur Tirmizi Ne Riwayat Ki. Aur Ibne Majah Ne Hazarat Ibne Mas'ud aMAur Ibne Jaabir Se Naqal Ki. Un Hee Se Riwayat Hai : Rasoolullah SALLALLAHU TA'ALA ALAYHI WASALLAM Ne Farmaya Ke, JO QURA'AN ME APANI RAAY SE KUCHH KAHE WOH APNA THIKAANA AAG SE BANALE (11.) Aur Ek Riwayat Me Hai Ke, JO QURA'AN ME ELM KE BINA KUCHH KAHE WOH APANA THIKAANA AAG SE BANA LE (12.) [Tirmizi Shareef] Hadith Shareef Me Hai Ke Allah Ta'ala Farmata Hai : - "Aye Nabi ! Sab(Tamam,Saare) Meri Raza Chaahte Hai Aur Mein Teri Raza Chaahta Hoon." - [Nuzahatul Majaalis, Jild-02,Page125, Takmeelul Iman, Shaikh Abdul Haqu Muhaddith Dahelvi, Page-32 Fataawa Rasheediyah, Page-374 Maktubate Khwaja, Page-37 Mirqaat Sharhe Mishqaat Jild-05,Page-369 Sharhe Hadithe Lawlaak Tafseere Fuzurrehman, Para-02] Is Hadith-E-Paak Ko Qura'an-E-Paak Ki Kafi Aayton Se Tasdeeq Milti Hai Jisme Se Kuchh Aayate Yaha Pesh Ki Gayi Hai : QURA'AN-E-KAREEM - "Jisne Rasool Ki Eta'at Ki Usne Khuda Ki Eta'at Ki." [Para-05,R-08] "Eta'at Karon Allah Ki Aur Eta'at Karon Rasool Ki." [Para-05, R-05] "Aur Kareeb Hai Tumhara Rab Tumhein Itna Denga Ke Tum Raazi Ho Jaaonge." [Soore Duhaa, Para-30,A-05] "To Jaroor Hum Tumhein Fer Denge Us Qible Ki Taraf Jis Me Tumhari Khusi (Raza) Hai." [Para-02,R-01,A-144] "Un Ke Liye Hai Jo Woh Chaahe Apane Rab Ke Paas." [Para-24,R-01,A-34] "Durr Karo Jise Tum Chaaho Un Me Se, Aur Paas Rakkho Jise Tum Chaaho." [Para-22,R-03, A-51] Aur Is Ke Muta'allik Bhi Kai Saari Hadith-E-Paak Hai. Ab Aaiye Kuchh Aayate Hai Use Bhi Parhe : - "Beshak ! Ye Izzat Waale Rasool Ka Parhana Hai." [Soore Takweer, A-19] "Aur Beshak ! Tumhare Akhlaaq Khoob Buland Hai." [Soore Qalam,A-04] "Aye Mehboob ! Un Ke Maal Me Se Zakaat Tehseel Karo Jis Se Tum Unhein Suthara Aur Paakiza Kar Do Aur Un Ke Haque Me Duaa-E-Khair Karon." [Soore Taubah,A-103] "Ye Rasool Tumhaare Nigehbaan Aur Gawaah." [Soore Baqrah,A-103] "Yaha Tak Ke Un Ke Paas Haque Aur Saaf BataaNe Waale Rasool Tashareef Laaye." [Sorae Zkhroof, A-29] "Jis Se Allah Ta'ala Bakhs De Aapke Sadqe Me Aapki Ummat Ke Agle Aur Picchhale Gunaah." [Paara-26,Soore Fatah,A-01] "Beshak Tumhare Paas Tasreef Laaye Tum Mein Se Woh Rasool Jin Par Tumaara Mushakkat Me Padna Giraa Hai Tumhaari Bhalaai Ke Nihaayat Chaahne Waale Musalmano Par Kamaa Meharban Meharbaan. [Soore Taubah, Para-11] "Jo koi Dushman Ho Allah Aur Us Ke Farishton Aur Us Ke Rasoolon Aur Jibreel Aur Meekaail Ka To Allah Dushman Hai Kaafiron Ka." [Soore Baqrah] Aur In Aayaton Ki Tafseer Bhi Jaroor Par Lena Taaki Jahen Me Jo Gandagi Jo Adaawat Hai Rasoole Kareem SALLALLAHU TA'ALA ALAYHI WASALLM Se Voh Durr Ho Aur Sahi Maaine Me Imaan Laa Sako Filhaal Mera Ye Mouju Nahin Ttha Lekin Mein Har Munaafiq Se Gujaarish Karta Hoon Ki Aap Log Kehte He Ki Hum Tabdil Karte He To Jo Kisi Maai Ke Laal Me Himmat Aur Islm Ki Jara See Bhi Muhabbat Dil Me Baaki Hai To Uthaao Kisi Bhi Munaafiq Ka Kiya Huwa Tarjuma Aur Kanzul-E-Imaan Shareef Aur Karo Mutaala karo fir faisla.█ Waliyon Se Madad Mangne Ke Baare Me Hadith-E-Paak █ ☆★☆★☆★☆★☆★☆★☆★☆★☆★☆★☆★☆★☆★☆★☆ Koi Musalman Kisi Banday Ko ALLAH Ta'ala Ki Misl, Us Ki Maanind Ya Us Ke Bagair Madadgar Nahin Samajhta Aur ALLAH Azzavajalla Ke Izan-O- Ataa Se Hone Waali Madad Goya ALLAH Ta'ala Hee Ki Madad Hain. Kaainat Ka Koi Bhi Zarra ALLAH Ta'ala Ke Huqum Ke Bina Madad Nahi Kar Sakta. Khaliq Apne Mehbubon Ki Duaa Wa Wasile Ko Qubul Farmata Hain. Aur Aisa Karne Me Wo Majbur Nahi Bulke Jab Wo Kisi Ko Mehboob Banata He To Unhein Apni Sifat Ka Mazhar Bana Ke Un Ki Baat Qubool Farmata Hain. [BUKHARI Wa MUSLIM SHAREEF] Huzoor SALLALLAHU TA'ALA ALAYHI WASLLAM Farmate Hai : - "Fazal (Mhaerbaani) Mere Raham Dil (Karam-Daya Karne Waale) Ummation Ke Paas Dhoondo, Un Ke Saaye Me Chain(Sukoon) Paaonge Kyun Ke Un Me Meri Rahat Hain." [Ibne Habbaan Aur Kharaaetee-E- Makaarim-E-Akhlaaq Me Riwayat Ki Aur Kazaai-E-Musnad-E-Shahaaba Me, Haakime Taarikh Me] Dusri Hadith-E-Paak Hain : - "Tumhaari Haajate Mere Raham Dil Ummation Se Maango, Rojee Paaonge, Muraad Paaonge." [Oqeilee Aur Tibraani-E-Awasat] Tisri Hadith Shareef Me Hain : - "Allah Farmata Hai, Fazal Mere Raham Dil Bando Se Maango Un Ke Daaman Me Aish Karonge, Kyun Ke Meine Meri Rehmat Un Me Rakkhi Hain." [Oqeilee-E-Aboo Saeed Jhudree Se, BaHawaala : Barkatul Imdaad] Huzoor SALLALLHU TA'ALA ALAYHI WASALLAM Farmate Hai : - "Mere Naram Dil Ummation Se Bhalaai Aur Ehsaan Maango, Unki Inaayat(Meharbaani) Ke Saaye Me Aaraam Karonge." [Haakim-E-Mustadark Me Hazrate Ali RadiyAllahu Ta'ala Anhu Se] Kaha Hai Inshaaf Ki Aankhe ?! Jara Imaan Ji Nigaahon Se Dekho ! Ye Ahaadith Kitna Saaf Saaf Bayaam Farmaati Hain Ki Rasoolullah SALLLLHU TA'ALA ALAYHI WASALLA Ne Apne Nek Ummation Se Madad Maagne, Un Se Bhalaai Aur Ehsaan Maangne Ka Hukm Diya Hai Ke Tumhaari Jaroorate Puri Karonge, Rojee Paaonge, Muraad Paaonge, Un Ke Madad Ke Daaman Me Chain Paaonge, Un Ki Inaayat Ke Saaye Ne Aish Karonge. . Yaa Allah Azzavajalla ! Awliya Allah Hazrat Se Badh Kar Kounsa Ummati Nek Aur Raham Dil Hoga Ke Un Se Madad Maangni Shirk Rhehraa Kar Dusron Se Haajate Maangne Ka Huqm Karne Me Aaye ! ALLAH Ka Naik Bando Ke Mutaliq Farman : - "Me Us Ke Kaan Ho Jata Hion Jis Se Woh Sunta Hain, Us Ki Ankhein Ho Jata Hoon Jis Se Woh Dekhta Hain" [Bukhari Shareef V2 P#963] Ya'ani Jub ALLAH TA'ALA Ka Noor Un Ke Kaan, Un Ki Aankh Ho Jata Hai To Woh Door-O-Nazdeek Ki Pukaar Sun Lete Hain, Door Se Hee Mulahiza Karte Aur Mushkil Ko Asaan Karne Par Qaadir Hojate Hain. - [Tafseer Kabir V7 P#436] Magar Bandon Ki Ye Sifaat Aarzi, Ataayi, Majazi, Aur Haadis Hain Ye Aqeeda Rakhny Me Kya Burayi Hain ?..☆▒ BANDON SE MADAD KE LIYE POOKAARNE KI TA'ALIM HADITH-E- PAAK ME ▒☆ ◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇ Sarkar Alaihissalatuwassalam Farmate Hain Ke, "Jab Kisi Ki Koi CHEEZ Kho Jaaye Aur MADAD Ki Jaroorat Ho, Aur Aisi JAGAH Ho Jahaa Koi HAMDAM(Saathi) Na Ho To Woh Yun Pukaarein, Aye ALLAH KE BANDON ! MERI MADAD KARON ! Aye ALLAH KE BANDON ! MERI MADAD KARON ! Aye ALLAH KE BANDON ! MERI MADAD KARON !" Ke Allah Ta'ala Ke Kuchh Bande Hai Jinhein Voh Nahin Dekh Sakta Woh Us Ki Madad Kareinge. WalHamdulillah ! [Ise Tibranie Utbah Ibne Gazwaan RadiyAllahu Anhu Se Riwayat Ki] Dusri Hadith Shareef : - Huzoor SALLALLHU TA'ALA ALAYHI WASALLAM Farmate Hai Ke, Jab Jungal Me Jaanwar Chhoot Jaaye To Aise Pookare Ke, "Aye ALLAH KE BANDON USE ROK DO !" To Allah Ta'ala Ke Bande Use Rok Denge. - [ISE IBNUSSANEE-E-ABDULLAH IBNEMASOOD RADIYALLAHU ANHU SE RIWAYAT KI] Teesri Hadith-E-Paak Me Hain : - Nabi-E-Kareem SALLALLAHU TA'ALA ALAYHI WASALLAM Farmate Hai Ke Is Tareh Pookare, AYNOONEE YAA IBAADILLAAH ! "MADAD KARON ! Aye ALLAH KE BANDON !" - [Ise Ibne Abi Shayba Aur Bazzare Abdullah Ibne Abbas RadiyAllahu Anhu Se Riwayat Ki.] In Teeno Hadith-E-Paak Ki Jo Teen Shahaaba-E-Kiraam Ridwanullahi Ta'ala Alayhim Azmain Ne Riwayat Ki Qadeem(Poorane) Jamaane Se Deen Ke Azeem-Mahaan Ulama Rehmatullahi Ta'ala Alayhim Azmain Ki Mumtaaz,Qaabil-E- Ehtaraam Hai Aur Unho Ne Us Par Amal Bhi Kiya Aur Pesh Karne Ke Mutaabik Saheeh Tajurba Bhi Kiya Hain. [BARKATUL IMDAAD] Jo Shakhs Aisa Kahe Ke, "HAMAARE AALIM (ULAMA) SHIRK AUR BID'AT ME PADE HUE HAI !" (Ma'azAllah !) Woh Mazeed Parhe Aur Apani Is Baat Se Tauba Karein. Aala Hazrat Mujaddid-E-Deen-O- Millat Imaam Ahmad Raza Muhaddithe Barelwi Rehmatullahi Ta'ala Alayh Ki "BARKATULIMDAAD" Ba Naame "BUZURGON KI MADADON KI BARKATE" Uska Mutaala Kare Jisme Azeem Mahaan Ulama Ki List Aur Kitaabon Ke Naam Hee Itne Hai Ke Kai Page Bhar Jaaein, Jisme Nabi-Wali Se Madad Mangne Ke Baare Me Riwayte Pesh Ki Hai. Hazrat Shaykh Abdul Haqu Muhaddith Dahelwi Rehmatullah Ta'ala Alayh Ke Misqaat Shareef Ke Tarjume Ka Mutaala Kare Ke Unhone Is Mas'ale Me Awliya-E- Kiraam Hazraat Ridwanullahi Ta'ala Alayhim Azmaeen Se Kya Bataaya Gaya Hai(Uske Baare Me Kya Likha Hai) ? Farmate Hai : - "Kaamil Buzurgon Ki Roohon Se Madad Haasil Karne Aur Faayde Uthaane Ke Baare Me Kashf Waale Mashaaekh Se Jo Kuchh Riwayat Huee Hai Woh Hasr Se Khaarij Hai (Ya'ani Woh Saari Aayate Sabhi Saath Me Pesh Karni Mumkin Nahin) Aur Jo Kuchh Un Ki Kitaabe Aur Kitaabon Me Bayaan Huaa Hai Jo Hatth Dharmi Ke Siwa Har Ek Ke Imaan Ko Taro Taaja Kar Dene Me Kaafi Hai, Koi Parhe To Sahi Use !"★KYA GHAUS-E-AAZAM KA YE FARMAAN SHIRK KI TA'ALIM DETA HAIN ?!★ •●•●•●•●•●•●•●•●•●•●•●•●•●•●•●•●•●•●•●•●•●•●•●•●•●•●•●•●•●•●•●•●•●•●•●• Azeem Mahaan Ulama Jaise Ke Imaame Ajala Aarif Billah Imaam Abul Hasan Nooruddin Ali Ibne Jareer Lakhtee Shatnoofee, Aur Imaame Akram Shaikhul Fuqaha Hazrat Saiyadana Imaam Abdullah Ibne As'ad Yaafaii Makkee, Aur Faazile Ajal Faqeehe Akmal Mohaddithe Ajmal Shaykhul Haramul Mohtaram Moulana Alee Qaaree Hanafi Harwee Makki, Aur Hazrat Moulana Abul Ma'ali Muslemi Ma'ali, Aur Shaykh Abdul Haqq Muhaddith Dahelwee Deegar Rehmatullahi Ta'ala Alayhim Azmaeen Ki Mahaan Mash'hoor Kitaabeein "BAHAJATUL ASRAAR SHAREEF", "KHULAASATUL MUFAAKHIR", "TANZIHUL KHAATIRUL FAATIR", "TOHFAA E QAADARIYAH", "AKHBAARUL AKHYAAR", "ZABDTUL AATHAAR" Deegar Mein GHAUS-E-AAZAM SHAYKH ABDUL QADIR JEELAANI RADIYALLAHU TA'ALA ANHU Ka Ye Qaul Naqal Huwa Hai : - "GAR KOI MUSEEBAT ME MUJH SE MADAD MAANGE TO WOH MUSEEBAT US SE DOORR HO. GAR TAKLEEF ME MERA NAAM LE KAR POOKAARE TO WOH TAKLEEF DOORR HO. Aur Gar Khuda Ta'ala Ki Bargah Me Koi Haajat Ke Liye Mujhe Waseela Banaaye To Woh Haajat Poori Ho. Aur Gar 02 Rakaat Namaaz Parhe Aur Har Rakaat Me AL-HAMDU Ke Baad 11 Baar KULHUWALLAAH Shareef Parhe Feer SALAM Fer Kar Rsoolullah SALLALLAHU TA'ALA ALAYHI WASALLAM Ko Yaad Kare. Baad Ne Bughdaad Shareef Ki Rookh Ho (Dishaa, Simt, Jaanib) 11 Qadam Chale Aur Mera (GHAUS-E- PAAK) Ka Naam Le Aur Apani Haajat Ko Talab Kare, To BeShak ! ALLAH TABAARAK WA TA'ALA KE HUQAM SE WOH HAAJAT POORI HO." Bataaiye ! Kya ye Shirk Ki Ta'alim Hai ? Ye Bid'at Hai ? Aur Jo Mahaan Ulama Aur Ghaus-E- Paak RadiyAllhu Anho Ke Baare Me Tumhaar Kya Khayal Hai ? Woh Bhi Shirk Aur Bid'at Se Ghaafil O Anjaan The ?! Ma'azAllah Musalmano Kisi Ke Galat, Bure Wasawason Ki Raah Par Na Chale Jaaon ! Aur Ulma-E-Ahl-E-Sunnat Ki KITAABE Parhte Rahon. Shaah Abdul Azeez Muhaddith Dahelwee Rehmatullahi Ta'ala Alayh "FATHUL AZEEZ" Me Saaf Bayaan Karte Hai Ke : - "Gayre Khuda Se Madad Maangni Wohi Naajaaiz Hai Ke Jo Gayr Ko Allah Ta'ala Ki Madad Ka Mazhar(Madad Paane Ki Jagah) Na Jaane Balke Khud Apani Jaat Se Hee Madad Ka Maalik Jaan Kar Us Par Bharosa Kare. Lekin Agar Khuda Ki Madad Ka Mazhar(ZAREEYA) Samaj Kar Gayr Se Madad Maange To Shirk Nahin, Hurmat Ko To Jaane Do Maqaam-E- Ma'arefat Se Bhi Khilaaf Nahin. Khud Nabiyon Aur Waliyon Ne Gayr Se Aisee Madad Maangi Hain." Garche Nabiyon-Waliyon Se Madad Maangna Shirk Hota, Woh Qaanoon Bana Kar Ke, "GAYR SE MADAD MAANGNA SHIRK HAI" To Bimaar Hone Par Dr. Ko Madad Ke Lie Doud Diye, Maar-Peet Ho To Police Ki Madad Ke Liye Chal Diye, Faisle Ke Liye Court Me Judge Ke Paas Chal Diye Aise Kai Saare Rojmarra Ke Kaam Me Hum Gayr Ki Madad Lete Hai Feer Bhi Musalman Rehte Hain ! Aur Nabi-Wali Se Madad Maangi To Mushrik ! Laa Hawl Wala Quwwat Illa Billah Ye Gumraahi Nahin To Aur Kya Hain ?!..BUZURGAAN-E-DEEN KE IMAANI NOORI AQWAAL ☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆ Huzoor-E-Aqdas SALLALLAHU TA'ALA ALAYHI WASALLAM Se Madad Maangna Sahaaba-E- Keeram Ridwanullahi Ta'ala Alayhim Azmaeen Ki Sunnat Hai. . - Sahaaba-E-Kiraam Ridwanullahi Ta'ala Alayhim Azmaeen Ne Sarkar Alayhissalato Wassalam Se JANNAT MAANGI, KAHET SAALI SE NAZAAT KE LIYE MADAD MAANGI FARIYAADE KI, DUNYA KI DOULATE MAANGI, AANKHON KI BINAAI MAANGI, AANKHON KI BAHAAR NIKAL GAYE DHELE KO FEER US KI JAGAH PAR BITHHAANE KI MADAD MAANGI AUR HUZOOR SALLALLAHU TA'ALA ALAYHI WASALLAM NE USE AANKH ME RAKH KAR LUAAB-THOONK MUBAARAK LAGAAYA TO VOH THIK HO GAYE, TOOTI HUEE TAANG PAR HAATH FERA TO PAL ME ACCHHA HO GAYA... Vagerah Waaqeaat Se Saheeh Hadith Shareef Ki Kitaabein Bhari Padi Hain. ( Note : - In Waaqeaat Ke Liye Pareh Kitaabe, "SALTANAT-E-MUSTAFA" Sallallhu Ta'ala Alayhi Wasallam Aur "REHMATT-E-KHUDA BA WASEELA- E- AWLIYA") Yaha Par Kuchh Azeem Mahaan Mash'hoor Ulama-E-Keeram Ke Emaan Afroz Aqwaal Pesh Karta Hoon Jjse Parho Aur Dil Me Noor-E-Imaan Ko Bhar Do. ASHIATUL LAM'AAT, Baabussujood Me Hazrat Rabeeah Ibne Ka'ab RadiyAllaho Ta'ala Anho Ki Hadith Sareef Ki Sharah (Khulaase) Me HAZRAT SHAYKH ABDUL HAQQ MUHADDITH DAHELWEE Rehmatullahi Ta'ala Alayh Farmate Hai : - "TAMAAM KAAM HUZOOR ALAYHISSALATO WASSALAM KE HAATH ME HAI, JISE JO CHAAHE APANE RAB KE HUKAM SE ATA KAR DE. Agar DUNIYA Aur AAKHIRAT KI BHALAAI CHAAHTE HO TO HUZOOR KI BARGAH ME AAWO AUR JO CHAAHO MAANGO." Allama Yoosuf Ibne Ismaail Rehmatullahi Ta'ala Alaih "SHAWAAHUDUL HAQQ" Ke Page 152 Par Farmaate Hai : - "Huzoor SALLALLAHU TA'ALA ALAYHI WASALLAM Dete Hai Aur Mana Karte Hai Aur Maangne Waalon Ki Jarooratein Poori Karte Hai Aur MUSHKELI ME GHEERE HUWON KI MUSHKEL DOORR KARTE HAI Aur Alayhissalato Wassalam Shafa'at Karenge Aur Jise Chaahenge JANNAT Me Daakhil Kar Denge." Imaam Qastalaani Rehmatullahi Ta'ala Alayh "MAWAHIB-E-LADUNNIYA" Jild 01, Page-195 Mee Farmate Hai : - "Huzoor ALAYHISSALATO WASSALAM Ki Kunniyat Abul Qaasim Hai, Kyun Ki JANNATI LOGON KO AAP JANNAT TAQSEEM KARTE HAI." Allama Taqeeuddeen Subaki Rehmatullahi Ta'ala Alayh "SHIFAAUSSIQAAM" Page-165 Pe Farmate Hai : - "Shak Rakkhe Bageir Samjho Ke Huzoor SALLALLAHUTA'ALA ALAYHI WASALLAM Jannat Me Is Tareh Honge Jis Tareh Baadshaah Ka Wazeer, Ki KISI KE TAK(Paas) KOI CHEEZ AAP KE ZAREEYE KE BINA PAHUNCHENGI NAHIN " Imaam Busairi Rehmatullahi Ta'ala Alaih "QASEEDA BURDA SHAREEF" Me Farmate Hai : - FAINNAKA MINJUDIKA DUNIYA WAZARRATIHAA-WAMIN ULOOMIK- ILMILLOUHI WALQLAMEE. Ya'ani Ke, "Yaa Rasoolullah SALLLLAHU TA'ALA ALAYHI WASALLAM ! DUNIYA Aur AAKHIRAT AAPKI SAKHAAWAT SE HAI Aur LOH AUR QALAM KA ELM AAPKE ELM KA HEE EK HISSA HAI." Nabi-Wali Aur Jo Kisi Ki Bhi Madad Ham Maange Woh Allah Ta'ala Ki Ata Se Madad Karne Par Shaktiman Hai Aur Karte Hai Ye Aqeeda Hoga To Hargeez Shirk Nahin Balke Yaha Par Jo Baate Bataai Us Ke Mutaabik Qura'an O Hadith Shareef Aur Ulama, Buzurgaan-E-Deen Ke Aqwaal Ne Saabit Kiya Ke Ye Sab Jaaiz Hai. Koi Jaahil Se Bhi Jaahil Azahal Bhi Nabi-Wali Ko Khuda Nahin Samjhta Ya Khuda Ta'ala Ki Ata Ke Bina Jaat Se Hee Apane Aap Madad Karte Hai Aisa Bhi Nahin Samajhta. Jis Se Musalmano Par Galat Baddgumaani Kar Ke Unhe Mushrik Keh Kar Apani Aakhirat Na Barbaad Karein. Aur Koi Badbakht Aisa Sochta Bhi Ho To Woh Hee Muddale Islam Se Khaareez Ho Gaya. Ye Islami Qura'ani Aqeeda Hai, Is Lie Kisi Ko Bhi Aajkal Ke Baddmazhabon, Shaitani Jamaaton Ke Khade Kiye Huwe Galat M Shaitaani Waswason Me Pad Kar Gumraahi Me Nahin Beh Jaana Chaahiye...