IMAAM'E AZAM KI SHAAN AHELE HADEES MOLVI KI NAZAR MAIN....

Bismillahir Rahmanir Raheem Ghair-Muqallid Maulana Dawood Ghaznawi farmate hain ke, “Ek Ajeeb baat hai ke AHL-E-HADEES Umooman MUTSHADDID hote hain, Thhori si baat per Sakht se Sakht Nuktah Cheeni karte hain.” [Dawood Ghaznavi Page 18] (1). Maulana Dawood Ghaznavi farmate hain: “A’imma-e-Deen ne Jiski Jo Khidmat ki hai Ummat Qayamat tak unke is Ahsaan se Ahad bar Aa Nahi ho sakti, Hamare Nazdeek A’imma-e-Deen ke liye Jo Shaqs Soo’-e-Zan nahi rakhta hai ya zabaan se unki shaan me Be-Adbi ya Gustakhi ke Alfaz isti’maal karta hai Ye uski Shaqawat Qalbi ki alaamat hai aur Mere Nazdeek uske Soo’-e- Khatmah ka Khauff hai. Hamare nazdeek Aimma-e-Deen ki hidayat wa daraayat per Ummat ka ijma’ hai. [Dawood Ghaznavi Page 373] (2). A’imma-e-Kiraam ka In (MOULANA DAWOOD GAZNAVI) ke Dil me IMAAM ABU HANIFAH (RAHMATULLAHI ALAIH) ke liye Intihayi Ahteram tha. HAZRAT IMAM-E-AAZAM ABU HANIFA ka Naam Be-Had Izzat se lete hain. Ek din MOULANA IS’HAQ unki khidmat me hazir tha, Jamat Ahle Hadith Tanzeem ke muta’lliq guftugu shuroo’ hui bade Dard-Naak lehjah me farmaya “MOULVI IS’HAQ! JAMAAT AHLE HADITH KO IMAM AAZAM ABU HANIFAH KI ROOHAANI BAD-DUA’ LE KE BAITH GAYI HAI. HAR SHAKHS ABU HANIFA, ABU HANIFA KEH RAHA HAI, KOI IZZAT KARTA HAI TO IMAM ABU HANIFA KEH DETA HAI, PHIR UNKE BAARE ME USKI TEHQEEQ YE HAI KE WO 3 HADEESO’N KA ILM GIRDAANTA HAI, JO LOG ITNE JALEEL AL-QADR IMAAM KE BAARE ME YE NUKHTA-E-NAZAR RAKHTE HO’N UNME ITTIHAAD YAKJEHTI KYONKAR HO SAKTI HAI.? [Dawood Ghaznavi Page 127] (3). HAZRAT MOULANA MUFTI MOHAMMED HASAN ne Ek martabah MOULANA ABDUL JABBAR GHAZNAVI ki wilaayat ka waqea sunaaya. Wo waqea yu’n tha ke Amritsar me Ek Mohalla Titliya’n tha Jisme Ahle- hadis hazraat ki Aksariyat thi, Wahan Abdul Ali naami Ek Maulvi Imamat wa Khitabat ke Faraai’z Sar Anjaam deta the. Wo Madarsah Ghaznawiyah me MOULANA ABDUL JABBAR GHAZNAVI se padha krte the, Ek baar MOLVI ABDUL ALI ne kaha: “IMAM ABU HANIFA SE TO MAI ACHHA HOON KYONKE UNHEY SIRF 17 HADEESEI’N YAAD THI’N AUR MUJHE UNSEY KAHI’N ZYADAH YAAD HAIN”. Is baat ki Itla’ MOLANA ABDUL JABBAR GHAZNAVI ko pohnchi, Wo Buzrugo’n ka Nihayat Adab wa Ahteram karte the Unhone Ye baat suni to Unka Chehrah Surkh (Ghusse se laal) ho gaya, Unhone hukm diya ke, “US NA-LAYEQ KO MADARSAH SE NIKAAL DO.” Wo Talib-e-Ilm madarsah se nikala gaya to Molana ne farmaya: “Mujhe aisa lagta hai ke ye Shakhs ANQAREEB MURTAD HO JAYGA.” Mufti Mohammad Hasan raavi hain ke EK HAFTAH BHI NA GUZRA THA KE WO SHAKHS MIRZAYI HO GAYA AUR LOGO’N NE USEY ZALEEL KAR KE MASJID SE NIKAAL DIYA. Is waqeah ke ba’d kisi ne Moulana Abdul Jabbar Ghaznavi se poocha ke, “Hazrat.! Aap ko kaise ilm ho gaya tha ke wo Anqareeb Kaafir ho jayega.?” Farmaane lage ke, Jis waqt mujhe uski Gustakhi ki itlaa’ mili Us waqt [Bukhari Shareef] ki Ye Hadees Mere saamne aa gayi “JIS SHAKHS NE MERE DOST SE DUSHMANI KI MAIN USKE KHILAF AILAAN-E- JUNG KRTA HOON.” MERI NAZAR ME IMAM ABU HANIFA (REHMATULLAHI ALAIH) ALLAH K WALI THE. JAB ALLAH KI TARAF SE AILAAN-E-JUNG HO GAYA TO JUNG ME HAR FAREEQ DOOSRE KI AALA CHEEZ KO CHHEENTA HAI IS LIYE AISE SHAKHS KE PAAS EIMAAN KAISE REH SAKTA HAI..??” [Dawood Ghaznavi Page 191, 192]